Hujjat
Maxfiylik
Oxirgi tahrir: 2026-09-24
Qanday ma'lumot olinadi, nima uchun saqlanadi, kim ko'radi va qanday o'chiriladi.
Qanday ma'lumot olinadi
Hisob uchun: telefon raqami yoki Google hisobidagi pochta va ism, tanlangan til. Parol qo'ysangiz, parolning o'zi emas, uning shifrlangan izi saqlanadi.
Siz o'zingiz yozgan narsalar: tashkilot nomi va STIR, e'lon matni va fotolari, buyurtmalar, xabarlar, baholar.
Xizmat ishlashi uchun: kirish sessiyalari, so'rov kelgan IP manzil va hisobdan qilingan muhim amallar ro'yxati, masalan telefon raqami ochilgani.
Tashrif sanog'i: brauzer kuniga bir marta bitta bo'sh so'rov yuboradi. Unda identifikator ham, sahifa manzili ham yo'q; serverga faqat IP boradi va undan davlat bilan viloyat aniqlanadi.
Brauzeringizda saqlanadigan narsalar: tanlagan tilingiz va kirish belgisi cookie sifatida turadi. Solishtirish ro'yxati, tashrif sanasi va to'ldirilmagan forma matni esa faqat brauzeringizda qoladi, serverga yuborilmaydi.
Nima uchun saqlanadi
Sizni tanib, o'z hisobingizga kiritish uchun.
Siz nashr qilgan e'lon va sahifani boshqalarga ko'rsatish, so'rovingizni to'g'ri egasiga yetkazish uchun.
Kunlik chegarani hisoblash uchun: telefon ochilgani yozilmasa chegara ishlamaydi va katalog butunlay ko'chirib olinadi.
Nizoni hal qilish uchun: kim nimani qachon o'zgartirgani yozib boriladi. Ma'lumot sotilmaydi va reklama uchun berilmaydi.
Kim ko'radi
Ism, tashkilot va e'lon matni ochiq: ularni har kim ko'radi.
Telefon raqamingiz o'zi ko'rinmaydi. Uni obunachi Raqamni ko'rish tugmasi orqali ochadi va har bir ochish yozib qo'yiladi.
Jamoamiz murojaat yoki nizo bo'yicha kerak bo'lganda ko'radi.
Tashqi xizmatlar uchta: kirish kodi Telegram bot orqali keladi; Google bilan kirsangiz Google sizni taniydi; xarita ochilganda plitkalar tashqi xarita xizmatidan yuklanadi va brauzeringiz unga bevosita ulanadi. Reklama kuzatuvchilari yo'q.
Qancha saqlanadi
Hisobingiz ochiq turganda saqlanadi.
Hisobni yopsangiz u anonim holga keltiriladi: ism va aloqa ma'lumoti o'chadi. Buni qaytarib bo'lmaydi.
Buyurtma, to'lov va amallar ro'yxati hisobsiz ham qoladi: ular hisob-kitob va nizo uchun kerak.
Cookie va brauzer xotirasidagi narsalarni istagan vaqtda o'zingiz tozalashingiz mumkin: brauzer sozlamasidan sayt ma'lumotini o'chirsangiz, til tanlovi va solishtirish ro'yxati ham ketadi.
Sizning huquqingiz
Kabinetda o'z ma'lumotingizni ko'rasiz va o'zgartirasiz.
Telefon raqamingiz ochilishini to'xtatmoqchi bo'lsangiz, Murojaat sahifasida Raqamni yopish mavzusini tanlang.
Hisobni yopish yoki sizda nima saqlanayotganini so'rash uchun ham shu forma orqali yozing.
Savolingizga ish kunlari javob beramiz.
Ikkinchi hujjat: Foydalanish shartlari