Maxfiylik

Nima uchun saqlanadi

Sizni tanib, o'z hisobingizga kiritish uchun.

Siz nashr qilgan e'lon va sahifani boshqalarga ko'rsatish, so'rovingizni to'g'ri egasiga yetkazish uchun.

Kunlik chegarani hisoblash uchun: telefon ochilgani yozilmasa chegara ishlamaydi va katalog butunlay ko'chirib olinadi.

Nizoni hal qilish uchun: kim nimani qachon o'zgartirgani yozib boriladi. Ma'lumot sotilmaydi va reklama uchun berilmaydi.

Kim ko'radi

Ism, tashkilot va e'lon matni ochiq: ularni har kim ko'radi.

Telefon raqamingiz o'zi ko'rinmaydi. Uni obunachi Raqamni ko'rish tugmasi orqali ochadi va har bir ochish yozib qo'yiladi.

Jamoamiz murojaat yoki nizo bo'yicha kerak bo'lganda ko'radi.

Tashqi xizmatlar uchta: kirish kodi Telegram bot orqali keladi; Google bilan kirsangiz Google sizni taniydi; xarita ochilganda plitkalar CARTO xizmatidan yuklanadi.

CARTO ni nomi bilan aytamiz, chunki farqi bor: xarita ochilganda brauzeringiz o'sha xizmatga o'zi ulanadi va u sizning IP manzilingizni ko'radi. Uning shartlari carto.com/attributions sahifasida. Kirish sahifasida ham shunga o'xshash narsa bo'ladi: Google tugmasining kodi Google serveridan yuklanadi va o'shanda Google IP manzilingizni ko'radi, siz hali hech narsani bosmagan bo'lsangiz ham. Saytni Telegram ilovasi ichida ochsangiz, Telegram kodi ham shunday yuklanadi. Reklama kuzatuvchisi, piksel va tashqi sanoq kodi esa yo'q.

Qancha saqlanadi

Hisobingiz ochiq turganda saqlanadi.

Hisobni yopsangiz u anonim holga keltiriladi: ism va aloqa ma'lumoti o'chadi. Buni qaytarib bo'lmaydi.

Buyurtma, to'lov va amallar ro'yxati hisobsiz ham qoladi: ular hisob-kitob va nizo uchun kerak.

Cookie va brauzer xotirasidagi narsalarni istagan vaqtda o'zingiz tozalashingiz mumkin: brauzer sozlamasidan sayt ma'lumotini o'chirsangiz, til tanlovi va solishtirish ro'yxati ham ketadi.

Sizning huquqingiz

Kabinetda o'z ma'lumotingizni ko'rasiz va o'zgartirasiz.

Telefon raqamingiz ochilishini to'xtatmoqchi bo'lsangiz, Murojaat sahifasida Raqamni yopish mavzusini tanlang.

Hisobni yopish yoki sizda nima saqlanayotganini so'rash uchun ham shu forma orqali yozing.

Savolingizga ish kunlari javob beramiz.

Cookie va brauzer xotirasi

Kirish uchun uchta cookie ishlatamiz. Uchalasi ham bizning saytimizniki, uchinchi tomonning cookie'si yo'q.

ys_access: kirgan holatingizni ushlab turadi, 15 daqiqa yashaydi. Sahifa kodi uni o'qiy olmaydi, faqat brauzer serverga yuboradi.

ys_refresh: seansni yangilaydi, ya'ni har 15 daqiqada qaytadan kirishingiz shart emas. 30 kun yashaydi. Buni ham sahifa kodi o'qiy olmaydi.

ys_in: brauzerga siz kirganingizni aytadi, 30 kun yashaydi. Buni ataylab o'qiladigan qilganmiz: mehmon bo'lganingizda sahifa serverga bekorga so'rov yubormaydi.

To'rtinchisi til uchun: NEXT_LOCALE tanlagan tilingizni bir yil eslab qoladi.

Qolgan narsalar brauzeringizning o'z xotirasida, faqat shu qurilmada turadi. Bittasidan boshqasi serverga yuborilmaydi; o'sha bittasi ys-tg-token, uni quyida alohida aytamiz. Muddati ham ikki xil: ys-compare, ys-visit, ys-first-seen, ys-nudge-snooze, ys-ad-quiet, ys-order-draft va ys-admin- bilan boshlanadiganlar siz tozalamaguningizcha turaveradi; ys-authed, ys-me, ys-tg-token va ys-req- bilan boshlanadiganlar esa brauzer yorlig'ini yopsangiz o'sha zahoti o'chadi.

ys-authed va ys-me: kirgan belgingiz va profilingizning nusxasi. Sahifa ochilganda menyu miltillamasligi uchun turadi. Chiqib ketsangiz ikkalasini ham o'zimiz o'chiramiz.

ys-compare: solishtirish savati. ys-visit: bitta tashrif ikki marta sanalmasligi uchun. ys-first-seen va ys-nudge-snooze: birinchi tashrif vaqti va ro'yxatdan o'tish taklifining uxlash vaqti.

ys-ad-quiet: reklamaning jim vaqti. Unda faqat vaqt soni turadi, qaysi reklama ekani yozilmaydi. ys-tg-token: Telegram ilovasi ichidagi kirish belgisi. Bu bittasi istisno: har bir so'rovda serverga yuboriladi, chunki ilova ichida u cookie o'rnini bosadi. ys-admin- bilan boshlanadiganlar: panel sozlamalari, ular faqat xodimning brauzerida bo'ladi.

ys-order-draft va ys-req- bilan boshlanadiganlarni alohida aytamiz: bular yuborilmagan buyurtma va so'rov qoralamalari, ya'ni ichida sizning o'zingiz yozgan matningiz, shu jumladan aloqa telefoni bo'lishi mumkin. Ularni bizga yubormaymiz, ular brauzeringizda qoladi. Kerak bo'lmasa formani yuborib yoki brauzer sozlamasidan sayt ma'lumotini o'chirib o'zingiz tozalaysiz.

Uchinchi tomonning cookie'si ham, kuzatuvchisi ham yo'q: yuqoridagilarning hammasi bizniki.

Saytga birinchi kirganingizda pastda rozilik chizig'i chiqadi. U faqat to'rtta narsa uchun ruxsat so'raydi: ys-first-seen, ys-nudge-snooze, ys-ad-quiet va ys-visit. Javobingiz ys-consent da saqlanadi, ichida tanlov va sana, boshqa hech narsa. Buning o'zi rozilik so'ramaydi, chunki u aynan javobingizni bajarish uchun kerak: eslab qolmasak, chiziq har sahifada qaytib chiqardi. Chiziqni X bilan yopsangiz, hech narsaga ruxsat berilmaydi va keyingi tashrifda yana so'raymiz. Shu yorliq yopilguncha chiziq qaytib chiqmasligini ys-consent-later eslab turadi.

Rozi bo'lmasangiz pastki reklama banneri umuman chizilmaydi, ro'yxatdan o'tish taklifi ko'rsatilmaydi va tashrif mayog'i yuborilmaydi, ya'ni siz tashrif sanog'iga tushmaysiz. Yuqorida sanalgan zarur cookie'lar va yozuvlar esa rozilikdan qat'i nazar qo'yiladi: kirish, til tanlovi, solishtirish savati va yuborilmagan qoralamalaringiz ularsiz ishlamaydi.